Skip to main content

Gurean Gaur

Lurdes Imaz: "Prest gaude LOMCE legea ez aplikatzeko baina Jaurlaritzaren babesa behar dugu"

2013-10-09

Gurean Gaur saioaren elkarrizketa atalean, Lurdes Imaz Euskal Herriko Ikasleen Gurasoen Elkarteko ordezkariarekin hitz egin dugu LOMCE legearen inguruan. LOMCE edo Wert legea ikastetxeetan ez aplikatzeko prest daudela baieztatu zuen, hori bai, horretarako eragile guztien babesa beharko zuten baita Eusko Jaurlaritzarena ere.

Motxiladun ume bat gutxiago dagoela ospatu dute, oraindik 104 geratzen direla ahaztu gabe

2018-04-23

Izarrekin Sara Etxera plataformaren sorrerako Sara Majarenas eta haren alaba Izar batera eta libre bizitzea izanik, plataformak bere jarduna amaitutzat ematea erabaki du. Apirilaren 9an geratu baitzen aske Majarenas, espetxe zigorra osorik beteta, eta hori ospatzeko, azken ekitaldia egin du Izarrekin Sara Etxerak Intxaurrondon. Plataformaren sustatzaileek gelditzen diren 104 motxiladun ume eta nerabeei babesa eskaintzera bideratuko dituzte indarrak aurrerantzean.

Eragindako minaz ETAk egindako aitorpenean, biktimen arteko ñabarduran tematu da zenbait

2018-04-20

ETA erakundeak haren «ibilbide armatuan eragindako kalteari» buruzko adierazpena eta argibide oharra plazaratu ditu Gara eta Berria egunkarietan. Horietan, lehen aldiz, «onartu» egin du sortu duen «samin handia»; esan du «zinez sentitzen» duela, eta, zehazki, «barkamena» eskatu die «gatazkan parte hartze zuzenik ez zuten» biktimei eta haien senideei.

Aurtengo apirilaren 8ko data duen ETAk egindako minaren aitortza agiriak eta argibide oharrak. ETAk onartu du «hamarkadotan gure herrian gehiegizko sufrikarioa» izan, eta bere gain hartu du «samin horretan» izandako «ardura zuzena». Adierazi du «halakorik inoiz ez zuela gertatu behar edo ez zela denboran hainbeste luzatu behar», «gatazka politiko eta historikoak konponbide demokratiko bidezkoa aspaldi behar zuen-eta».

Erreakzio soka luzea eragin dute erakundearen oharrek. Biktimen arteko ñabarduran jarri dute askok eta askok arreta. Eusko Jaurlaritzako lehendakari Iñigo Urkulluk horrekin lotutako eskaera egin dio ETA erakundeari. Komunikatua "desegiteko bidean egindako urratsa" izan dela adierazi du Nafarroako Gobernuak, eta nabarmendu du desegiteak "behin betikoa" izan behar duela.

EH Bildu koalizioak, mahai politikoaren ohiz kanpoko bilera egin du goizean Bilbon eta Arnaldo Otegi koordinatzaile nagusiak baikor hitz egin du erakundearen adierazpenaz.

Espainiako Gobernuak baikor hartu du ETAk eragindako minari buruz argitaratu duen agiria. Hori bai, Iñigo Mendez de Vigo bozeramaileak argi utzi du haiek biktimen aldean egon direla eta egongo direla beti.

Pedro Sanchez PSOEko idazkari nagusiak, berriz, nabarmendu du ETAren adierazpena "behin betiko bakerako behar zen urrats handia" dela. Bidea gogorra izan dela adierazi du eta kontaketak duen garrantziari erreparatu dio.

Manuel Valls Frantziako lehen ministro ohiak, bere aldetik, esan du lehenbailehen desegin behar duela ETA erakundeak, eta barkamena eskatu behar diola Espainiako gizarteari ere.

Azkenik, Europako Batzordeak ere albiste ona dela esan du, jardun armatua eteta ona dela edozein kasutan, Europako Batasunean terrorismoak ez duelako lekurik.

Bruno Sokolowicz: "Ezingo gaituzte espetxeratu, milaka garelako eta ez dagoelako denontzat tokirik"

2018-04-20

Adierazpen askatasunaren aurkako erasoak ugaritu egin dira azken aldian. Azken astean, La Insurgencia, Pablo Hasél eta Valtonyc rap abeslarien aurkako errepresioa nabarmendu du. Testuinguru horretan, errepresioaren zauriak itxi eta adierazpen askatasunaren alde lanean ari den No Callarem plataformako Bruno Sokolowiczekin du Saioa Baleztenak. 

EH Bilduk "historikotzat" jo du ETAren agiria

2018-04-20

Koalizo soberanistaren mahai politikoak Arnaldo Otegik irakurritako adierazpena ebatzi du. Bertan, ETAk "eragindako kaltea eta sufrimendua" aitortu izana berri "on" eta gertakari "historikotzat" jo dute. Horrekin batera, bakea lortzeko "ekarpentzat" baloratu du EH Bilduk eta aurrerantzean ere koalizioak helburu hori lortzeko bidean "bere onena" emango duela azpimarratu du Otegik.

"Gure historia osatzeko, gatazkaren atzeko gizon-emakumeen izenak jasotzen ari gara"

2018-04-20

Euskal Memoria fundazioak jaso du ibilbidearen Elkar saria eta fundazioak egiten duen transmisio lana nabarmendu du Elkarrek aitortza horrekin. Zehazki, burujabetza ahalegina eta transmisioan egindako lana nabarmendu ditu Elkarrek. Sariaren harira, Iñaki Egañarekin hitz egin dugu 2009an sortutako fundazioak egin duen eta egin asmo duen ibilbideaz.

 
bannerra

bannerra