Skip to main content
bannerra
Nahieran Ikusteko.tv

Gurean Gaur albistegia: irailak 5

Gurean Gaur albistegia: irailak 5

Bilera egin dute gaur Bilbon Eh Bilduk eta La Navaleko langileen Ordezkaritza Batzordeak, ontziolaren egoerari konponbidea bilatzeko asmoz.

Petronorrera zihoan kamioi bat irauli eta bi tona koke isuri ditu Muskizko Arena hondartzatik gertu.

Eta nazoartean, historian lehen aldiz su-etena sinatu dute ELN Nazioa Askatzeko Armadak eta Kolonbiako Gobernuak. Quiton egin dute ekitaldia, eta funtsezko helburu bat jasotzen du dokumentuak: “herritarren egoera humanitarioa hobetzea”.

Hauek eta askoz gehiago Gurean Gaur saioan.

 

 


Gurean Gaur

Enkarterriko egoeraz hitz egiteko eskualdeko alkateekin bildu da Unai Rementeria Bizkaiko ahaldun nagusia. 2018an martxan jartzeko suspertze plana onartu dute bileran. Bitartean, CEL Taldeko langileek elkarretaratzea egin dute Foru Jauregiaren aurrean. Aldundiari irtenbideak galdegin dizkiote, enpresaren bideragarritasuna defendatuz.

Eta nazioarteari begira, mobilizazio iraunkorrerako deia egin diete Kataluniako eragile independentistek herritarrei. Gau osoan izan dira manifestariak Ranbletan, eta 07:15ean alde egin dute azken guardia zibilek Ekonomia Kontseilaritzatik, ia 24 orduko miaketaren ostean. 

Hauek eta askoz gehiago irailaren 21eko Gurean Gaur albistegian.


Gurean Gaur

Milaka eta milaka pertsona atera dira kalera Kataluniako atxiloketak salatu eta independentziaren alde: Bartzelona, Girona, Reus, Banyoles, Osona, Tarragona..

Egun osoak emandakoa laburbilduta Gurean Gaur albistegian.


Gurean Gaur

Guardia zibilak 14 pertsona atxilotu ditu gaur, Kataluniako Generalitat-arekin edo entitate subiranistekin lotuta. Horrekin batera, hainbat gune arakatu ditu. Egoera honi erantzun, atxilotuei elkartasuna adierazi eta urriaren 1eko herri galdeketari babesa eskaintzeko, milaka herritar kalera atera dira. Hamaika Telebistak, zuzeneko saio berezia egin du egunak emandako guztiaren laburbilduma osatuz.


Gurean Gaur

Urriaren 1eko Kataluniako erreferenduma oztopatzeko neurriak hartzen jarraitzen du Madrilek. Cristobal Montoro Espainiako Ogasun ministroak Kataliuniako kontuen kudeaketa bere gain hartu ondoren, gaur Gironako mezularitz enpresa bat ikertzeari ekin dio Guardia Zibilak, Carles Puigdemont Kataluniako presidentea hango alkate zeneko iruzur kasu bategatik.

Hau eta askoz gehiago irailaren 19ko Gurean Gaur albistegian.