Skip to main content
bannerra

Nerin jendarmea hil izana "zinez sentitzen" duela adierazi du ETAk

Nerin jendarmea hil izana "zinez sentitzen" duela adierazi du ETAk

14 eta 25 urte arteko espetxe zigor eskaera egin dute 2010ean Jean Serge Nerin jendarmea hiltzeaz akusatuta Parisen epaitu dituzten lau euskal herritarrentzat. Arkaitz Agirregabiria, Xabier Goienetxea, Izaskun Lesaka eta Josu Urbieta dira auzipetuak, eta haiek Parisko Krimen Auzitegian hitza hartu dutenean, ETA erakundearen izenean agiria irakurri Lesakak.

Agiri horretan, ETA erakundeak esan du "zinez sentitzen" duela 2010ean Jean Serge Nerin jendarmea hil izana. Nerin jendarmea da ETAk hil zuen azken pertsona. Hura hiltzeaz akusatuta Parisen epaitzen ari diren lau lagunek "doluminak" eman dizkiote gaur familiari, ETAren izenean irakurritako agirian. Nerin hiltzea egotzita sei euskal herritar epaitu zituzten 2015ean, eta hamalau urtetik bizitza osora arteko zigorra jarri zien Parisko Krimen Auzitegiak. Epai hari jarritako helegitea tarteko, lau lagunen kontrako epaiketa berriz egin dute eta 25 urteko espetxe zigorra ezarri diote Agirregabiriari, 16koa Urbietari eta 14nakoa Goienetxea eta Lesakari.

Gai horri begira jarri gara gaurko albistegian, baina gehiagori ere erreparatu diegu titularretan.


Gurean Gaur

Pablo Llarena epaileak ez du martxan jarriko Carles Puigdemont atxilotzeko euroagindua. Danimarkan da gaur Puigdemont, Kopenhageko Unibertsitatera hitzaldi bat ematera joanda eta hura atxilo dezaten eskatu dio Espainiako Fiskaltzak Espainiako Auzitegi Goreneko epaileari, baina hark ezetz esan du. Eskaera "arrazoizkoa" den arren, halakorik ez egiteko "ñabardurak" daudela esan du. Epailearen arabera, Puigdemont bere atxiloketa probokatzen ari da, inbestidura saiora joan gabe ere Generalitateko presidente izendatu ahal izateko.


Gurean Gaur

Ondarroako atezainak 2025 urtea bitarteko kontratua sinatu du talde zuri-gorriarekin eta aurrerantzean 80 milioi eurotako etete klasula izango du. Hainbat zurrumurreren ostean, Real Madrilen interesa medio, Arrizabalagak San Mamesen segituko du.


Gurean Gaur

Urtero legez, milaka lagunek parte hartu zuten Donostian eta Azpeitian antolatutako danborradetan. Afariak, festa giroa, danborradak eta bestelakoak nonahi aurkitu zitezkeen. Egitarau ofizialean eta ofizialetik kanpo. Festak ez zuen etenik izan, are gutxiago Antiguako auzoko jaietan.


Gurean Gaur

Sasiburu Elkartea eta Barakaldoko Euskara sailaren eskutik, mahai inguru interesgarria burutu dute Ezkerraldeko herrian. Bertan, euskararen erabilerako palankak zeintzuk diren aztertu zituzten, Kike Amonarriz komunikatzaile eta telebista aurkezlea eta Topaguneako kide den Iker Martinez de Lagos-en eskutik.