Skip to main content

Azken bideoak: Kultura

bideoaren irudia
MusikaZuzenean TB #32: Zazkel eta Deus Ez

2018-04-12

Bi izanen dira aste honetako Musika zuzenean telebistako edukiak nagusiak

Erritmo dantzagarriekin hasiko dugu saioa eta horretarako Zazkel taldearekin bildu gara Arrasateko gaztetxean.Bilboko taldeak "ez Entzun" izeneko diskoa kaleratu du, gustura eta gogoz entzun dugun disko ederra.

Errepidea hartu eta Deus Ez taldearen entsegu lokalera abiatu gara argitaratu duten lehen disko luzea ezagutzeko. Eibar herriko hirukoaren rockaz gozatuko dugu bigarren erreportajean.
 

bideoaren irudia
Gure oroitzapenak, Joseba Sarrionandia idazlearen obran oinarritutako film kolektiboa

2018-04-11

Gure oroitzapenak, Joseba Sarrionandia idazlearen obran oinarritutako film kolektiboa da. Une honetan “ari gara” edo “work in progress” fasean dago. Bilboko Adabaki ekoiztetxeak produzitu du eta Elkar argitaletxeak, Gastibeltza filmak eta Zenbat Gara elkarteak ere parte hartzen dute. Hamabi zinemagileek pieza bana sortzen ari dira, Joseba Sarrionandiaren corpus literarioan murgil egin eta itsaso sakon bezain zabal horren puzle bat osatu nahian dabiltza. Hartara, Sarrionandiaren iruditeria poetiko eta literarioa zinema lan luze batera bilduta agertuko zaigu lehendabizikoz. Pieza guztiak hari fin batek lotuko ditu eta abiapuntuak ezezik trataera estetikoak ere batasuna emango dio lanari.

bideoaren irudia
MusikaZuzenean TB #31: Morau eta Kooltur Ekintza

2018-04-05

Morau musikaria izango da gure lehen erreportajeko protagonista nagusia!
"Egunsentiak alperrentzat" diskoa kaleratu berri du musikari hernaniarrak,eta aitzaki honekin mendi buelta eman dugu gitarra eskuan.

Bigarren erreportajea egiteko Arrasaten izan gara, bertako gaztetxean antolatzen d en Kooltur OSteguneak musika zikloa ezagutzeko.Hasier eta Jagorekin bildu gara Kootur ekintza taldearen nundik norakoak jakiteko.

bideoaren irudia
MusikaZuzenean TB #30: Liher eta Rocka Puntua!

2018-03-22

Bi izanen dira saio honetako erreportaje nagusiak.
Lehenik Liher taldearen entsegu lokala bisitako dugu Oiartzunen!
Taldeak, "Tenpluak erre" diskoa kaleratu du, banda bezala iraupen luzeko bigarrena. Doinuak gordindu dituzte, emaitza oldarkorragoa bilakatuz.

Bigarren erreportajea, berriz, zortziko handian dator.
Alberto Irazu idazlearekin bildu gara Le Bukowski tabernan Pamiela argitaletxearekin kaleratu  duen "Rocka Puntua" liburua ezagutzeko.
Bertsoa eta rockaren arteako harremanari buruzko saikera ederra idatzi du idazle eta musikari donostiarrak.

bideoaren irudia
MusikaZuzenean TB #29 : Keu, Mierda de Bizkaia eta Big Txiki (Gorpuzkingz)

2018-03-15

Keu Agirretxea izango da gure lehen protagonista, kaleratu duen "Improphono" disko berria aitzaki.
Ondarrun batu gara berarekin gitarra hutsez egindako diskoaren berri izateko.

Hitz Bitan atalera Gorpuzkingz taldeko Big Txiki gonbidatu dugu, kaputxaren azpian dagoen lagun ezkutuaren musika zaletasunak ezagutzeko

Azkenik, Andoni Fernandez Azkaraiekin egon gara Bilbon, "Mierda de Bizkaia" y sus grupos punks maketeros" liburuaren egilearekin.

bideoaren irudia
Estitxu euskal artista handiaren heriotzaren , 25. urteurrena dela eta, "Estitxu gogoan" kontzertuaren aurkezpena

2018-03-07

Loraldia jaialdiaren 4. edizioaren egitarauaren baitan dagoen, " estitxu gogoan" kontzertua aurkeztu digute, Robles-Arangiz familiak.

Robles-Arangiz famialren 3 belaunaldik, Niko Etxartek, Gontzal Mendibilek eta Jose Mari Iriondok izango dute ikuskizuna agertokian azaltzeko ardura, martxoaren 17an, 20:00, BBK aretoan.