Skip to main content
bannerra

Azken bideoak: Jaiak

bideoa prestatzen
Txupina jaurti eta hasiera eman diete San Fermin txikiei Iruñeko alde zaharran

2018-09-21
1978ko San Ferminak gogoan, hasiera eman diete Iruñeko alde zaharreko jaiei txupina jaurtiaz. Urte hartako gertaerak oroitzeko argazki erakusketa prestatu du jai batzordeak eta horrekin batera 150 ekintza baino gehiagok gozamena ekarriko diete alde zaharreko lagunei gaurtik igandera Aldapako San Fermin jaiek.
bideoa prestatzen
Alarde baztertzailea jaia bizitzeko modu errespetagarritzat du Gipuzkoako Kultura diputatuak

2018-09-06

Hondarribiko alardean plastiko beltzik ez ateratzeko eskatu du Gipuzkoako Foru Aldundiak. Alarde parekidearen aurkakoek egiten dute keinu hori, urtero, Jaizkibel konpainiak Kale Nagusia igotzen duenean, eta soberan dagoela ohartarazi du Denis Itxaso Kultura diputatuak.

Hori bai, Itxasok bi desfileak ikustera joango dela esan du, Jaizkibel konpainiarena eta emakumeak onartzen ez dituen alardearena, jaiaz gozatzeko bi erak errespetatzen dituelako.

Ba larunbateko zitaren atarian, Jaizkibel konpainiako kapitainarekin, Ohiana Etxebarrietarekin hitz egin du Hamaika Telebistak. Hondarribiako Udalak alarde baztertzaileari soilik egingo dio harrera ofiziala, eta Etxebarrietaren ustez, parekideari ere zor dio harrera. Baita gatazka konpntzeko bitartekoak jartzea ere.

Izan ere, Etxebarrietak uste du gatazka iraunarazten bada mezu desegokia hedatzen dela, lehen eta bigarren mailako herritarrak daudenaren mezua, hain justu.

Edonola ere, iruditzen zaio duela 25 urte emakumeen parte hartzearen aldeko urratsa egin zutenen bideak ez duela atzera bueltarik.

bideoa prestatzen
"Mezua da lehen eta bigarren mailako herritarrak daudela, soilik emakumeon eskubideen alde egiteagatik"

2018-09-05
Azken ukituak ematen harrapatu dugu Oihana Etxebarrieta Hondarribiko Alardeko Jaizkibel konpainiako kapitaina. Hondarribiko Udalak aurten ere harrera egingo ez diela eta bi eskaera egiten dizkiote agintariei. Batetik Udalak herritar guztien ordezkari izan behar duela eta bestetik egun dagoen gatazkaren konponbiderako urratsak eman behar dituela elkarrizketarako bideak ahalbidetuz. Jai parekideen norabidean tamalez urratsak geldoak izaten ari direla dio baina honek atzera bueltarik ez duela.
bideoaren irudia
Bilboko Konpartsek Aste Nagusia modu baikorrean baloratu dute

2018-08-27

Bilboko Konpartsek Aste Nagusia modu baikorrean baloratu dute, 500 ekimenetik gora antolatu dituztela nabarmenduz. Baina, puntu beltz nagusitzat, izandako eraso sexistak azpimarratu dituzte. Dagoeneko, konfirmatutako lau kasu daudela adierazi dute, baina federaziotik jakinarazi dutenez eraso gehiago egon dira. Azkenik, udalak, segurtasunaren alorrean, izan duen jarrera kritikatu dute, jaigunea “militarizatu” dutela azalduz. Konpartek, txosnak deseraikitzeari gaur bertan ekin diote.

bideoaren irudia
Aste Nagusiko azken eguna ere, bete-betea

2018-08-26

Aste Nagusia badoa. Hala ere, bederatzi gaueko aste honek amaiera potoloa izango du. Goizez buztan gisatua dastatu eta mahai jokoekin ono pasatzeko aukera izan dugu. Arratsean, Arriaga atzekaldean, konpartsen eskutik Akerbeltz erromeriak musika jarri dio azken egunari. Marijaiak bere azkenengo buletak eman eta beste urte batez erre egingo dute, 2019 Aste Nagusira arte.

bideoaren irudia
Aste Nagusiko seigarren eguna, euskararen eguna

2018-08-23

Eguna bakailoa bizkaitar erara sukaldaritza lehiaketarekin hasi da. Gero Aste Nagusiko urte guztietako txupinerak bildu dira, eta omenaldia egin zaie. Eguerdian biziprest bazkaria ospatu egin da, euskararen aldeko bazkaria. Fermin Muguruzak Hau Pittu Hau konpartsako euskara saria jaso du. Amaitzeko Ikurriñari omenaldi hunkigarria  egin zaio, kataluniako herritarrekin batera.