Skip to main content
bannerra

Torturatzaileei dominak kentzeko eta biktima guztiak erreparatzeko eskatu du EH Bilduk


EH Bilduk salatu du dominak mantentzen dituztela tortura kasu latzekin lotutako “gutxienez” ehun bat poliziak. Datu hori Espainian frankismo garaitik hona saritu diren torturatzaileen zerrenda osatuta ondorioztatu du koalizioak. Eta Marian Beitialarrangoitia diputatuak Espainiako Gobernuari eskatu dio ken ditzala torturekin zerikusia duten kondekorazio guztiak eta aitor dezala torturaren errealitatea.

Polizien bahiketa, tortura eta hilketen senideen biktimekin batera egindako agerraldi batean egin du salaketa EH Bilduk. Informazio bilketa eta ikerketa eginda, frogatutzat jo dute tortura “praktika ohikoa” izan dela denbora luzean, eta Espainiak inplikatutakoak babestu dituela, kondekorazioa, indultua edota goi karguetara mugitzea eskainita.

Adibide gisara aipatu dute Sebastian Sotos Garciaren kasua ere: Espainiak bost aldiz saritua Jose Mari Larretxea Goñiren bahiketa saiakeran parte hartzea leporatuta. Gobernuburu guztiek saritu zuten gerora: Felipe Gonzalezek, Jose Maria Aznarrek, Jose Luis Rodriguez Zapaterok eta Mariano Rajoyk.

Azken asteotan, zeresana eman du ‘Billy el Niño’ goitizenez ezagun egindako poliziari domina kentzeko erabakiak. Beitialarrangoitiaren hitzetan, albiste ona da baina ez da nahikoa.

Are gehiago, salatu du Kepa Urraren torturatzaile Manuel Sanchez Corbi koronel ohiari Espainiako Gobernuak berriki eman dion domina. Hori dela eta, EH Bilduk Espainiako gobernuari exijitu dio ken diezaiela kondekorazioa guztiei eta biktima guztien erreparaziorako eskubidea aldarrikatu du Beitialarrangoitiak.


Gurean Gaur

Euskaraldiari hasiera emateko hilabete bat faltan, eta San Severino jaietan Balmasedako herria murgilduta egonik, aitzakia ederra topatu dute Balmasedako batzordeak euskaraldiaren alde dantzan egiteko. Enkarterri osotik sortu dira batzordeak, Zaramillotik hasi eta karrantzaraino. Estiren hitzetan jendea gogotsu eta pozik dabil lanean, izen emateak astiro joan arren.


Jardunaldiak

2018ko ondarearen jardunaldien harira, Etxebarrik atzoko emakumeek udalerrian utzitako ondareari erreparatu dio. Etxebarriko emakumeek izan duten ekarpena eta garrantzia azpimarratzea izan dute helburu jardunaldiek. Bisita gidatua, testigantzak, proiekzio eta mahai inguru batekin, XX.mendeko bigarren erdialde industrialean emakumeek izandako papera eta rolak azaltzen dira, pasarte pertsonalek transmititzen duten hurbiltasun eta sinesgarritasunaz.

Gurean Gaur

Arrakastatsua izan da aurtengo Nafarroa Oinez, Iñigo Aritza Ikastolak antolatuta. Igandearekin milaka euskaltzale hurbildu dira Altsasuraino Nafarroako ikastolen aldeko egunarekin bat eginez. Uxue Barkos Nafarroako Gobernuko presidenteak nabarmendu zuen egunaren garrantzia, oztopoen gainetik, euskara bizi eta euskaraz bizi ahal izateko.


Gizartea

Orain Presoak dinamikak antolatuta, 40.000 lagun batu ziren larunbatean Donostiako kaleetan egindako manifestazioan. Antolatzaileen hitzetan, orain arteko manifetaziorik anitzena eta zabalena izan zen asteburukoa. Lau aldarrikapen: urrunketa politika amaitzea, larriki gaixorik dauden presoak etxeratzea, lehen graqduaren iraunkortzea eten eta gradu aldaketak ahlbidetzea eta Frantziako kartzela-zigor urteak zenbatzea

 
bannerra

bannerra