Skip to main content

Atearen Bestaldetik: "18 urterekin torturatu nindutenean umiliatu eta desaktibatu nahi ninduten, baina nirekin jai izan zuten"


22:35etatik aurrera, Torturaren Aurkako Egunean, Hamaika Telebistak "Atearen Bestaldetik" izeneko saio berezia eskainiko du. Bertan, Hamaika Telebistako zuzendari Iñaki Uria eta Hamaika Telebistako kazetari den Miren Azkarateren arteko elkarrizketa ikusgai egongo da. Biek ala biek, torturatuak izan ziren. Hortaz gain, 32 urte atzera, Iñaki Uriak Miren Azkarateren ama den Julia Badiola elkarrizketatu zuen, haren senarrak -Agustin Azkaratek- pairatutako tortura basatien inguruan hitz eginteko.


Bereziak

???? 22:35ean #AtearenBestaldetik saio berezian #Tortura hizpide, Iñaki Uria, Miren Azkarate, Eneko Compains, Sandra Barrenetxea, Amaia Izko edo Iñaki Egañaren hitzekin. Hortaz gain, memoria, testigantzak eta Joxe Arregi eta Ion Arretxe gogoan. Ez galdu, hamaika.eus-en 


Gurean Gaur

Europako Giza Eskubideen Auzitegiak Espainiar Estatuaren kontrako epaia kaleratu du Igor Portu eta Mattin Sarasola lesakarren kasuan. Nafarrek aurkeztutako tortura salaketak ez ikertzeaz gain, tribunalaren esanetan, Espainiar Estatuak Europako Giza Eskubideen Hitzarmenaren hirugarren puntua urratu du. Gaizka Sarasolak, Mattinen anaiak, berria "pozik" hartu dutela esan du eta "torturarekin amaitzeko aitortza beharrezkoa da eta auzitegietan egiaztatzea urrats bat da".

Gurean Gaur

Estrasburgok Espainia zigortu du Igor Porturen eta Mattin Sarasolaren torturen auzian. Giza Eskubideen Europako Auzitegiak aho batez ebatzi du Europako Konbentzioaren 3. artikulua urratu zela, tratu txarrak eman zizkietelako eta horiek ikertu ez zituztelako.


Gurean Gaur

37 urte beteko dira Joxe Arregi zizurkildarra torturapean hil zutela eta ordutik da otsailaren 13a Torturaren Aurkako Eguna Euskal Herrian. Arregiren garai bertsuan atxilotuta zeuden Carabanchelgo espetxeko ospitalean beste hainbat preso politiko, eta haiei esker atera zen ziegatik Arregiren testigantza sinple bezain beldurgarria. Gutun batean adierazi zutenez, Oso latza izan da! esaldiarekin laburbildu zuen Arregik hamar egun haietan pasatakoa.

bannerra