Skip to main content

Konponbide prozesua bultzatzeko jardunaldiak antolatu ditu Foro Sozialak


Gizartea aktibatu eta preso eta iheslarien inguruan soluzioak zehazteko jardunaldiak antolatu ditu Foro Sozialak hilabete amaierarako. Preso eta iheslarien aferaren inguruan proposamenak zehazteko eztabaida ireki eta soluzio berriak definitu nahi dira bertan.


Albisteak

Kilometroak jaiaren baitako ekimena martxan da, laugarren urtez jarraian. Bi norabidetan mamitzen da Klikmetroak proiektua. Batetik, jendearen parte hartzea bultzatu nahi da; bestetik, merkatari, elkarte zein enpresen diru laguntza sustatu. Edonork hartu dezake parte ekimenean, klikmetroak.kilometroak.net webgunearen bitartez.


Albisteak

Osasungintzan ordezkaritza duten sindikatu guztiek mobilizazioak iragarri dituzte datozen hilabeteetarako. Lehen protesta eguna ekainaren 26an izango dute. Egun horretan manifestazioa burutuko dute Bilboko kaleetan. Gainera, irailaren 15erako ospitale handietan itxialdiak burutuko dituztela iragarri dute. Bestalde, urriaren 11n beste manifestazio bat egingo dute eta urriaren 30eko astetik aurrera lanuzteak egingo dituzte. Mobilizazio hauekin Osakidetzak lapurtutako lan eskubideak berreskuratu nahi dituztela azaldu dute sindikatuetako ordezkariek.

Albisteak

Selektibitate probak egiten hasi dira gaur 12.000 ikasle. Batxilergoa amaitu eta unibertsitatera joan nahi duten ikasleei Lanbide Heziketako 500 ikasle eta nota hobetu nahi duten 800 gazte gehitu behar zaizkie. EAEn ostirala bitarte iraungo dute hautaproba hauek. Ipar Euskal Herriko ikasleek, bestalde, ekainaren 16an hasiko dituzte azterketak eta 23an amaituko dituzte.


Kultura

Ostiral honetan, ekainak 6, Elkar Estudioa Sesioak programaren bigarren atala izango dugu. Azpeitiko Ezinean taldea izango da protagonista. Ostiralean 22:00etan, Hamaika Telebistan.

 
bannerra

bannerra