Skip to main content
bannerra

Bideoteka

Bideotekan bilatu
bideoa prestatzen
Bilboko Zinema Ikusezinaren Nazioarteko jaialdiak 10 urte betetzen ditu aurten

2018-10-17
Bilboko ‘Film Sozialak’ Zinema Ikusezinaren Nazioarteko Jaialdiaren 10. Edizioa aurkeztu du KCD Erakundeak. Urriaren 18tik 25era ospatuko da Bizkaia eta Arabako 25 egoitzatan, nagusia Bilboko Azkuna Zentroa izanik. 50 herrialdetako errealitatea islatzen duten 84 film lehiatuko dira. Horietatik 40 emakumeek egindakoak dira eta 9 euskaraz.
bideoa prestatzen
ONEKA euskal emakumeen pentsionisten plataforma aurkeztu dute

2018-10-17
ONEKA euskal emakumeen pentsionisten plataforma aurkeztu dute gaur Donostian. Elkarte honen nahia herri honen emakume pentsionistak elkartzea da eta helburu nagusitzat emakume guztientzako pentsio duinak sortzea da.
bideoa prestatzen
Mugimendu antiespezistak manifestaziora deitu du Bilbon, azaroaren lehenarekin

2018-10-17
NOR Euskal Herria Antiespezista kolektiboak ikerketa lana argitaratu berri du gizakiak animaliekin dituen botere harremanak salatzeko helburuarekin. Zenbait hiltegitan infiltratu eta bertako irudiak jaso dituzte. Euskal Herriko talde antiespezistak batuta, manifestaziorako deialdia egin dute azaroaren lehenengoan, Bilbon, gizartea ezbaian jarri eta mugimendu antiespezistaren inguruko hausnarketa bultzatzeko.
bideoa prestatzen
Nafarroa Oinez 2018rako dena prest

2018-10-17
Dena prest dago jada aurtengo Nafarroa Oinez ospatzeko. Altsasuko Iñigo Aritza Ikastolak antolatu du eta jaialdi inklusiboa egin nahi izan dute, behar bereziak dituzten pertsonendako ere bideratutakoa, alegia. 4 kilometro eta erdiko ibilbidea izanen da eta egitarau zabala prestatu dute adin guztietako lagunei zuzenduta; besteak beste, Zartako-k, Anita Parker eta Oihan Vega izanen dira.
bideoa prestatzen
Immigrazioa Euskadirentzat arazo gisa nabarmen murriztu da %12,6tik %7,7ra jeitsi da

2018-10-17
Ikuspegiren 2018ko barometroaren arabera, euskal gizartearen iritziz, immigrazioa ekonomiarako eta lan-merkaturako eragile positiboa da. Aurkeztutako datuen arabera 2018an ehuneko 12tik ehuneko 7ra jaitsi da immigrazioa arazo gisa Euskadirentzat. 2107 barometroak baino datu positiboak dira, adierazle makroekonomiakoen suspertzearekin eta atzerriko immigrazioarekiko iritzi optimista eta aldekoekin bat dator.
bideoa prestatzen
Lekukoek istilu eza zein Ertzaintzak erabilitako bortizkeria azaleratu dute epaiketaren bigarren egunean

2018-10-16
Cabacas kasuko epaiketaren bigarren egunean, lekukoen txanda iritsi da. Gehienek, Ertzaintzak izandako jarreraren berri eman dute, istilurik ez zegoen gune batean, gomazko pilotak jaurti zituztela adieraziz eta kasu batzuetan Iñigo Cabacas laguntzea galarazi egin zutela. Gurasoek sesio zinez gogorra pairatu dute hunkituta eta minduta azalduz.