Skip to main content

Bideoteka

Bideotekan bilatu
bideoaren irudia
Garitanok arduraz jokatzeko eskatu die Araba eta Bizkaiko Aldundiei

2014-06-18

Martin Garitano Gipuzkoako ahaldun nagusia kezkatuta azaldu da Kutxabanken pribatizazio prozesuagatik. Bide horri ateak itxiko dizkion akordioaren alde egingo dutela adierazi du, eta horretan parte hartzeko deia egin die Bizkaiko eta Arabako Aldundiei ere. Gipuzkoako Foru Aldundiak bat egin du larunbatean Bilbon egingo den manifestazioarekin.

bideoaren irudia
Amaiurreko diputatu eta senatariek iragarri dute ez dutela parte hartuko Felipe VI.a koroatzeko ekitaldietan

2014-06-18

Amaiurreko diputatu eta senatariek Felipe VI.a Espainiako errege aldarrikatu eta koroatzeko ekitaldietan ez dutela parte hartuko iragarri dute. Biharko koroazioa operazio estetikoa izango da Amaiurren ustez.

bideoaren irudia
Euskal preso politikoen abokatuek larritzat jo dute Garak iragarritako haien aurkako operazioa

2014-06-18

Euskal preso politikoen abokatuek oso larritzat jo dute atzo Gara egunkariak haien aurka iragarritako polizia operazioa. Abokatuen ustez, euren lana indargabetzearekin batera, polizia-etxe, auzitegi eta espetxeetan egiten diren eskubide urraketen lekukoak paretik kentzea dute helburu operazioarekin. Aitziber Baglieto eta Alfonso Zenonen ustez elementu ezberdinak daude horrelako operazio baten atzean.

bideoaren irudia
2014ko diru laguntzak aurkeztu ditu Eusko Jaurlaritzako Hizkuntza Politikarako Sailburuordetzak

2014-06-18

2014ko diru laguntzak aurkeztu ditu Eusko Jaurlaritzako Hizkuntza Politikarako Sailburuordetzak. Guztira, 43 milioi euroko laguntza emango du. Laguntzen helburu nagusia euskararen erabilera areagotzen jarraitzea eta erabilera hori sendotzea dela adierazi du Patxi Baztarrika Eusko Jaurlaritzako Hizkuntza Politikarako sailburuordeak.

bideoaren irudia
Otitako parkea, Leitzaran bailarako altxorretako bat

2014-06-18

1995eko irailaren 29an izendatu zuten biotopo Leitzarango bailara. Ingurumen aldetik zein historikoki oso aberasgarria da gunea; historiaurreko aztarna ugari topa daitezke bertan. Aitor Mendiluze bertsolariaren eskutik ezagutu dugu Leitzaran bailarako gune aipagarrietako bat: Otitako parkea.

 

bideoaren irudia
Badator XIV. Esait Mendi Martxa

2014-06-18

Euskal Herria modu ezberdin batean zeharkatzen duen Esait Mendi Martxak bere 14. ekitaldia ospatuko du. Hain zuzen ere, abuztuaren 2an Gasteizko Eusko Legebiltzarraren aurrean abiatuko da eta Urepelen izango du helmuga abuztuaren 9an. Zortzi etapen bidez, gure lurraldeko askotariko txoko interesgarriak ezagutuko ditu parte hartzen duenak. Ibilbide osoan, aldarrikapen bera izango dute: Euskal Herriko kirol federazioen zein selekzioen ofizialtasuna. Izena emateko: www.esait.org